آج سے 20 اپریل کے دوران اسلام آباد، پنجاب، مری، گلیات خیبر پختونخوا، گلگت بلتستان اور کشمیر میں بارش کی پیش گوئی کی گئی ہے جبکہ چند مقامات پر ژالہ باری بھی متوقع ہے۔
محکمہ موسمیات کے مطابق سندھ، جنوبی پنجاب اور بلوچستان کے چند علاقوں میں 18 اپریل تک گرمی کی لہر برقرار رہنے کا امکان ہے۔
محکمہ موسمیات کا بتانا ہے کہ 18 اور 19 اپریل کے دوران ڈیرہ غازی خان، راجن پور، لیہ، کوٹ ادو، مظفر گڑھ، بہاولپور اور ملتان میں آندھی اور جھکڑ چلنے کا امکان ہے۔
محکمہ موسمیات کے مطابق ساہیوال، خانیوال، پاکپتن، وہاڑی اور اوکاڑہ میں بھی تیز ہوائیں چل سکتی ہیں۔
