کراچی کی انسدادِ دہشت گردی کی عدالت نے فورتھ شیڈول کی خلاف ورزی کے کیس میں مولانا اورنگزیب فاروقی کے وارنٹِ گرفتاری معطل کر دیے۔

اہلسنت والجماعت کے رہنما مولانا اورنگزیب فاروقی عدالت میں پیش ہوئے۔

عدالت نے مولانا اورنگزیب فاروقی کی 50 ہزار روپے کے مچلکوں کے عوض عبوری ضمانت منظور کر لی۔

عدالت نے کیس کی سماعت 23 دسمبر تک ملتوی کر دی۔

اس سے قبل مولانا اورنگزیب فاروقی نے سندھ ہائی کورٹ سے حفاظتی ضمانت حاصل کی تھی۔

سندھ ہائی کورٹ نے 10 روز میں متعلقہ عدالت میں پیش ہونے کی ہدایت کی تھی۔

پولیس کے مطابق مولانا اورنگزیب فاروقی کا نام فورتھ شیڈول میں شامل تھا، ان کے خلاف شاہ لطیف تھانے میں مقدمہ درج ہے۔

پولیس نے مقدمے کی سی کلاس رپورٹ جمع کرائی تھی۔

رپورٹ میں کہا گیا تھا کہ تحقیقات سے پتہ چلا کہ  مولانا اورنگزیب فاروقی کا نام نکال دیا گیا ہے۔