کراچی کے علاقے باوانی چالی سائٹ ایریا میں باپ نے 8 سالہ بیٹے پر بہیمانہ تشدد کیا، پولیس نے ملزم کو گرفتار کرلیا۔

پولیس کا کہنا ہے کہ ملزم نے بیٹے کو گرم توے پر بٹھایا اور لوہے کے راڈ سے تشدد کیا، بچہ کے جسم پر تشدد اور جھلسنے کے زخم پائے گئے ہیں۔

بچے کو اس کی والدہ اور اہل محلہ تھانے لے کر آئے تھے، ملزم کے خلاف سرکاری مدعیت میں مقدمہ درج کرلیا گیا ہے، ملزم نے اپنے جرم کا اعتراف کر لیا ہے۔

 والد کا کہنا ہے کہ بچہ پڑھائی نہیں کرتا تھا اور کھیل کود میں زیادہ توجہ دیتا تھا۔