پاکستان کرکٹ ٹیم کے سابق فاسٹ بولر عمر گل کی گھر کے باہر برف ہٹانے کی ویڈیو سامنے آگئی۔

سابق فاسٹ بولر عمر گل نے اپنے سوشل میڈیا پر ایک ویڈیو شیئر کی ہے، جس میں بارش اور ژالہ باری کے مناظر بھی شامل ہیں۔

فوٹوز اینڈ ویڈیوز شیئرنگ ایپ انسٹاگرام پر شیئر کی گئی ویڈیو میں عمر گل کو گھر کے باہر سے برف ہٹاتے ہوئے دیکھا جاسکتا ہے۔

اپنے پیغام میں عمر گل نے لکھا کہ ’’اس طرح کی ژالہ باری بہت خطرناک ہوسکتی ہے، خاص طور پر جب اچانک آجائے۔

عمر گل نے کہا کہ اللّٰہ ہم سب کو ایسی آفات سے محفوظ رکھے، اپنا خیال رکھیں اور آس پاس کے لوگوں کا بھی حال معلوم کرتے رہیں۔

خیال رہے کہ وفاقی دارالحکومت اسلام آباد میں شدید بارش اور ژالہ باری ہوئی، کئی علاقوں میں اولوں سے گاڑیوں کے شیشے ٹوٹ گئے۔

اسلام آباد کے کئی علاقوں میں بڑے سائز کے اولے پڑے، جس سے مختلف علاقوں میں گاڑیوں کے شیشے ٹوٹ گئے۔

پشاور زلمی کا پریکٹس سیشن بارش کے باعث جلدی ختم کردیا گیا، بارش کے ساتھ طوفانی ہواؤں کی وجہ سے کئی درخت بھی جڑوں سے اکھڑ گئے ہیں۔